Charter Document - 05030659
| Charter Number: | 05030659 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1265 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis officialis curie Parisiensis salutem in Domino Notum facimus quod magister Guerinus filius defuncti Rogeri carnificis recognovit se vendidisse Guillelmo presbitero sancti Martialis Parisiensis avunculo suo pro octo libris parisiensibus domum suam sitam ut dicitur Parisius in vico Sancti Victoris juxta portam Murorum que ducit ad Sanctum Victorem contiguam granchie decani Parisiensis in censiva beate Marie Parisiensis ad quatuor solidos parisienses ut dicitur censuales Promittens [] Isabellis vero mater dicti magistri et Petrus canonicus Sancti Clodoaldi Parisiensis frater ejusdem magistri et Maria soror eorum dictam venditionem voluerunt et concesserunt Promiserunt insuper tam dictus magister quam mater et fratres ejus predicti sub prestita fide se effecturos et procuraturos quod Johannes et Aubericus fratres dicti magistri in minori etate adhuc ut dicitur constituti dictam venditionem volent et concedent cum ad etatem legitimam pervenerint et de non veniendo contra fide media se astringent Datum anno Domini MCCLX quinto mense novembri