Charter Document - 05030657
| Charter Number: | 05030657 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1265 |
| Date type: | Internal, A.D. |
| Resource Link(s): |
Reference Document for this Embedded Document Reference Document for this Embedded Document Reference Document for this Embedded Document |
Charter:
Ludovicus Dei gratia Francorum rex notum facimus universis tam presentibus quam futuris quod nos divini amoris intuitu pro salute anime nostre et ob remedium animarum inclite recordationis regis Ludovici genitoris nostri et regine Blanche genitricis nostre ac aliorum antecessorum nostrorum dilectis nostris in Christo abbati et conventui beate Marie de Valle Sarnaii domos terras prata et alias possessiones suas quascumque ab ipsis titulo donationis seu emptionis vel alio quocumque modo rationabiliter acquisitas et quas usque nunc pacifice possederunt concedimus et auctoritate regia confirmamus salvo jure in omnibus alieno Quod ut ratum et stabile permaneat in futurum presentibus litteris nostrum fecimus apponi sigillum Actum apud abbatiam Regalis Montis anno Domini millesimo ducentesimo sexagesimo quinto mense julio