Charter Document - 05030655
| Charter Number: | 05030655 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1265 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis ego Johannes dictus Calot clericus notum facio quod ego dedi et concessi viris religiosis abbati et conventui de Vallibus Sarnaii duodecim denarios parisienses annui redditus capiendos et recipiendos annuatim in festo Omnium Sanctorum sibi et successoribus suis a Petro Sellario et heredibus suis assignatos super domum ipsius Petri sitam in vico sancti Jacobi Minoris de Vernone inter domum Thome Petit Mari ex una parte et domum heredum domini Philippi de Montigniaco militis defuncti ex altera quos quidem duodecim denarios Ricardus Calot avus meus eisdem religiosis dedit et concessit antequam migraret a seculo in puram et perpetuam elemosinam [] Et ut hoc firmum et stabile sit et duret in posterum presentes litteras sigilli mei munimine roboravi Actum anno Domini MCCLX quinto mense aprilli