Charter Document - 05030643
| Charter Number: | 05030643 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1263 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Sciant omnes tam presentes quam futuri quod ego Johannes de Boollon dictus de Pomereto armiger do et dedi concedo et concessi domino Guydoni de Monasteriis militi et ejus heredibus viginti quatuor arpenta nemoris in nemoribus meis de Foillous versus campos de Monasteriis tenentibus Essarto Chenardi in augmentatione sui feodi de Monasteriis quod feodum idem Guido miles tenet de me dicto Guidoni et ejus heredibus possidenda in perpetuum et habenda Ad hanc donationem seu concessionem fuerunt presentes videlicet Tierricus de Vineyo armiger Benedictus prepositus de Rupeforti Guiardus de Longa Quercu armiger Guillermus de Rupeforti clamator Guiotus dictus Aumet Et quod hoc sit ratum firmum et stabile istas presentes litteras sigilli mei munimine roborari dignum duxi Actum anno Domini millesimo ducentesimo sexagesimo tercio mense novembri