Charter Document - 05030642
| Charter Number: | 05030642 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1263 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis ego Johannes de Corbeio miles notum facio quod ego pro salute anime mee et antecessorum meorum volo et concedo quod viri religiosi abbas et conventus Vallium Sarnaii in manu mortua teneant et in perpetuum possideant quamdam domum quam habent in meo feodo sitam in vico sancti Jacobi de Vernone inter domum Ricardi Berte ex una parte et domum Roberti Dosusle ex altera quam domum scilicet Yvo dictus Famulus et Ausendis ejus uxor tempore quo vivebant eisdem religiosis in puram et perpetuam elemosinam dederunt et concesserunt salvis tamen viginti et tribus solidis parisiensibus annui redditus qui a domo predicta michi debentur annuatim michi et heredibus meis a dictis religiosis et successoribus suis in festo beati Remigii annuatim persolvendis et tali modo quod ego dictus Johannes et heredes mei in domo predicta nostram poterimus facere justitiam quocienscumque dicti religiosi sive eorumdem successores in solutione dicti redditus ad festum supradictum deficient et ita etiam quod ego dictus Johannes et heredes mei tenemur deinceps dictam domum dictis religiosis et eorum successoribus contra omnes gentes garantizare per redditum supradictum salvo tamen jure nostro dominico Et ut hoc firmum et stabile permaneat in posterum presentes litteras sigilli mei munimine confirmavi Actum mense novembri anno Domini MCCLX tertio