Charter Document - 05030636
| Charter Number: | 05030636 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Consent |
| Date: | 1263 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis Johannes decanus totumque capitulum ecclesie sancti Mederici de Lynais salutem in Domino Volumus et unanimiter consentimus quod religiosi viri et honesti abbas et conventus Sarnei teneant in manu mortua sine coactione vendendi aut extra manum suam ponendi unum arpentum prati situm subter villam que dicitur Buison eisdem religiosis in elemosynam Datum videlicet dimidium arpentum a defuncto Guillelmo de Trapis et aliud dimidium arpentum a defuncto Radulpho dicto Metart dum tamen reddant annuatim cantori ecclesie nostre duodecim denarios parisienses censuales pro dicto prato et hac conditione adjecta quod liceat eidem cantori emere in censiva ipsorum religiosorum vel quoquo modo acquirere unum arpentum prati vel alterius teneure cujuscumque ad duodecim denarios censuales Datum anno Domini MCCLX tercio die martis ante Nativitatem beati Johannis Baptiste