Charter Document - 05030635
| Charter Number: | 05030635 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1263 |
| Date type: | Internal, A.D. |
| Resource Link(s): |
|
Charter:
Noverint universi tam presentes quam futuri quod ego Ricardus le Faucheor pro salute anime mee et antecessorum meorum dedi et concessi in puram et perpetuam elemosinam Deo et abbacie de Vallibus Sarnaii et monachis ibi Deo servientibus duos solidos parisienses annui redditus assignatos super domum Johannis fratris mei et super totam masuram in qua sedet sicut se proportat in longum et in latum inter mansuram Johannis de Maleseres ex una parte et masuram familie Gilleberti de Sancto Vincentio defuncti ex altera tenendos et in perpetuum possidendos et recipiendos annuatim in festo Omnium Sanctorum prefatis monachis et successoribus suis a dicto Johanne fratre meo et heredibus suis libere quiete et pacifice absque reclamatione aliqua mei vel heredum meorum de cetero facienda salvo tamen jure domini capitalis Tenemur etiam ego dictus Ricardus et heredes mei dictos duos solidos parisienses annui redditus dictis monachis et successoribus suis in perpetuum contra omnes gentes garantizare Et ut hoc firmum et stabile permaneat in posterum ego dictus Ricardus presentem cartam sigilli mei munimine roboravi Actum mense maio anno Domini MCCLX tertio