Charter Document - 05030633
| Charter Number: | 05030633 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1263 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis officialis curie Parisiensis salutem in Domino Notum facimus quod dominus Guillelmus quondam presbiter sancti Martialis Parisiensis asseruit quod ipse habebat tenebat et possidebat quamdam domum cum quibusdam appendiciis sitam Parisius in vico Murorum pavato contiguam ex una parte domui venerabilis viri magistri Radulphi de Gonnessia thesaurarii ecclesie beati Hylarii Pictaviensis et ex altera parte domui defuncti Guillelmi dicti Festu Dieu in censiva venerabilium virorum decani et capituli Parisiensis oneratam in quatuor solidis parisiensibus capitalis census tantummodo ut dicebat in festo beati Remigii annuatim persolvendis Quam siquidem domum cum omnibus et singulis ejusdem domus pertinenciis recognovit et confessus est in jure se vendidisse et ex nunc nomine venditionis im perpetuum quitavisse dicto venerabili viro magistro Radulpho de Gonnessa thesaurario ecclesie beati Hylarii Pictaviensis et ejus heredibus seu causam habentibus ab eodem pro quadraginta libris parisiensibus [] Quam siquidem vendicionem ut dictum est a dicto domino Guillelmo factam dominus Petrus vicarius ecclesie beate Marie Parisiensis Natalis Juvenis et Albericus Perrerius nepotes dicti Guillelmi presbiteri voluerunt laudaverunt quitaverunt et eciam acceptaverunt Et promiserunt [] Datum anno Domini millesimo ducentesimo sexagesimo tercio mense aprili