Charter Document - 05030632
| Charter Number: | 05030632 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Will |
| Date: | 1263 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Johannes castellanus Buneti Castri et dominus de Molignon notum facio universis presentes litteras inspecturis quod ego mentis mee compos testamentum meum disposui condidi et legavi dilectis meis in Christo religiosis viris abbati et conventui Vallium Sarnaii et eorum ecclesie in puram elemosinam quintam partem totius hereditatis mee de Ulneio pro anniversario meo et Hersendis uxoris mee et Johannis filii mei et Aalidis filie mee singulis annis in predicta ecclesia faciendo et ut simus participes bonorum omnium que fiunt et fient amodo in ecclesia memorata excepto de predicta quinta parte meo nemore de Chesneio quod dedi Hospitalariis de Corbolio in elemosinam et legavi pro anniversario meo et uxoris mee filii mei et filie mee predictorum singulis annis similiter faciendo Ita tamen quod super illam quintam partem predictorum abbatis et conventus presbiter de Ulneio habeat et percipiat tria sextaria bladi annuatim reddenda in molendino de Ulneio pro anniversario meo Hersendis uxoris mee et Johannis filii mei et Aalidis filie mee annis singulis in ecclesia de Ulneio faciendo Si vero contigerit processu temporis quod dicti religiosi dictam quintam partem hereditatis predicte venderent vel extra manum suam ponere coacti essent quicumque dictam quintam partem hereditatis predicte de Ulneio emeret vel haberet volo precipio ordino et dispono quod obligatus existat ad reddendum dicto presbitero predicta tria sextaria bladi et predicti religiosi quicti remaneant a prestatione dictorum trium sextariorum bladi penitus et immunes Si etiam contingeret quod ego facerem laudari a dominis feodalibus predicta tria sextaria bladi nichilominus memorati religiosi quicti essent penitus a prestatione memorata dictorum trium sextariorum bladi Volui etiam ordinavi et concessi quod hec donatio quinte partis hereditatis mee de Ulneio quam feci dictis religiosis irrevocabilis esset et haberet robur perpetue firmitatis In cujus rei testimonium et munimen presentes litteras dedi dictis religiosis sigilli mei munimine communitas Actum anno gratie millesimo ducentesimo sexagesimo tertio mense aprili