Charter Document - 05030630
| Charter Number: | 05030630 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1263 |
| Date type: | Internal, A.D. |
| Resource Link(s): |
|
Charter:
Noverint universi tam presentes quam futuri quod ego Petrus de Curia et Agnes uxor mea de communi assensu nostro dedimus et concessimus pro salute animarum nostrarum et parentum nostrorum in puram et perpetuam elemosinam Deo et abbacie beate Marie de Vallibus Sarnaii et monachis ibi Deo servientibus in qua videlicet abbacia nostram elegimus sepulturam decem solidos parisienses annui redditus dictis monachis a nobis et heredibus nostris in festo Omnium Sanctorum annuatim persolvendos assignatos super vineam nostram sitam in Plantis Coldoe inter vineam monachorum Sancti Taurini ex una parte et vineam familie Johannis Brazdeleu defuncti ex altera tenendos et in perpetuum possidendos et percipiendos sicut supradictum est dictis monachis a nobis et heredibus nostris sive ab illis qui post decessum nostrum dictam vineam tenebunt et possidebunt et nos et heredes nostri dictos decem solidos parisienses annui redditus dictis monachis contra omnes gentes garantizare tenemur salvo tamen jure capitalium dominorum Et ut hoc firmum et stabile permaneat in posterum presentem cartam de communi assensu nostro sigillorum nostrorum munimine roboravimus Actum anno Domini MCCLX secundo mense martio