Charter Document - 05030625
| Charter Number: | 05030625 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1263 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis archidiaconi Carnotensis in decanatu Sparnonensi salutem in Domino Notum facimus quod Guarinus de Sancto Hylarione miles Robertus de Brueria armiger executores testamenti defuncti Guillelmi de Gaseranno militis domini de Maesroliis recognoverunt dictum Guillelmum militem dedisse et legasse in sua ultima voluntate et suo testamento cujus testamenti sunt executores prout confessi sunt in jure coram nobis religiosis viris abbati et conventui Vallium Sarnaii in puram et perpetuam elemosinam duo sexlarios bladi annui redditus in molendino de Reculet sito juxta Gaserannum habenda et percipienda a dictis religiosis perpetuo in dicto molendino per manus illorum qui dictum molendinum tenebunt In cujus rei testimonium presentes litteras sigillavimus Datum anno Domini MCCLX secundo die martis post Reminiscere