Charter Document - 05030619
| Charter Number: | 05030619 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1262 |
| Date type: | Internal, A.D. |
| Resource Link(s): |
|
Charter:
Noverint universi tam presentes quam futuri quod ego Thomas des Alves et Typhania uxor mea de communi assensu nostro pro salute animarum nostrarum et antecessorum nostrorum dedimus et concessimus in puram et perpetuam elemosinam Deo et ecclesie beate Marie Vallium Sarnaii et monachis ibi Deo servientibus octo solidos parisienses annui redditus prefatis monachis et successoribus suis de nobis et successoribus nostris sive de heredibus nostris in festo Omnium Sanctorum annuatim persolvendos assignatos super unum quarterum vinee situm in Valle Goye inter vineam Bertaudi le Normant ex una parte et vineam Petri le Ber ex altera tenendos et in manu mortua in perpetuum possidendos et recipiendos [] Et ut hoc firmum et stabile permaneat in posterum ego dictus Thomas et dicta Typhania uxor mea presentem cartam sigillorum nostrorum munimine roboravimus Actum anno Domini MCCLX secundo Testibus hiis Thoma de Tilleio Johanne de Tilleio Petro de Tilleio et pluribus aliis