Charter Document - 05030614
| Charter Number: | 05030614 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1262 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Noverint universi tam presentes quam futuri quod ego Nicholaa quondam uxor Radulphi Anglici defuncti pro salute anime mee et dicti Radulphi quondam mariti mei defuncti et antecessorum meorum dedi et concessi in puram et perpetuam elemosinam Deo et ecclesie beate Marie de Vallibus Sarnaii et monachis ibi Deo servientibus sex solidos annui redditus assignatos super domum meam sitam in vico de Medonta apud Vernonem inter domum Nicholai de Ruppe ex una parte et domum Baudri nepotis mei ex altera tenendos et in perpetuum possidendos et percipiendos annuatim in festo Omnium Sanctorum predictis monachis de me et heredibus meis quiete et pacifice absque contradictione aliqua mei vel heredum meorum in posterum facienda tali modo quod ego dicta Nicholaa et heredes mei dictos sex solidos parisienses annui redditus prefatis monachis contra omnes gentes garantizare tenemur Et ut hoc firmum et stabile permaneat in posterum ego dicta Nicholaa presentem cartam sigilli mei munimine roboravi Actum mense aprilli anno Domini MCCLX secundo