Charter Document - 05030600
| Charter Number: | 05030600 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1260 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Petrus de Sancto Hilarione miles salutem in Domino Notum facio quod in escambium et recompensationem quatuor sextariorum bladi annui redditus in quibus tenebar religiosis viris abbati et conventui Vallium Sarnaii dedi cessi et concessi in perpetuam elemosinam propter remedium anime mee patris et matris mee et antecessorum meorum unum arpentum prati situm in loco qui dicitur Magnum Pratum in parrochia Sancti Hylarionis junctum ex una parte prato domini Andree dicti Polin militis et ex alia parte junctum prato domini Guerini militis fratris magistri Petri militis liberum et quitum ab omni censu honere et costuma tenendum et habendum ab ipsis religiosis in manu mortua et in perpetuo possidendum Promittens [] In cujus rei testimonium et munimen presentes litteras dictis religiosis dedi sigillo meo sigillatas Et de dicto prato in manu domni Guerini abbatis Vallium Sarnaii me nomine sui monasterii desesivi presentibus Guidone de Ruppeforti et Guerino de Sancto Hyllarione militibus fratre Petro dicto Chauvel fratre Guillelmo de Pateio monachis monasterii supradicti et Roberto de Baseinvilla clerico procuratore monasterii antedicti Datum anno Domini MCCL nono mense marcio