Charter Document - 05030598
| Charter Number: | 05030598 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1260 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Maria castellana Nielphe Castri uxor quondam domini Guidonis de Caprosia junioris militis in Domino salutem Omnibus notum fieri cupio quod ego volo et concedo quod dilecti nostri in Christo abbas et conventus Vallium Sarnaii ad opus porto dicte abbatie teneant et in pace possideant unum quarterium prati situm in loco qui dicitur les Escoriades situm in censiva et dominio liberorum meorum quos a dicto Guidone suscepi et quos in ballo meo et custodia habere cognoscor quod quarterium prati emerant ad opus dicte porte specialiter a Maria quondam uxore Petri dicti Compeignon honeratum uno obolo annui census et quarterio unius trosse feni annis singulis dictis liberis meis reddendis et volo nec enim amplius possum quod dicti religiosi teneant dictum pratum usquequo dicti liberi mei ad perfectam et adultam pervenerint etatem sine coactione vendendi aut extra manum suam ponendi libere et quiete excepto honore census predicti In cujus rei testimonium portario dicte abbatie scilicet fratri Nicholao presentes litteras dedi sigilli mei impressione munitas Actum anno Domini MCCL nono mense januario