Charter Document - 05030587
| Charter Number: | 05030587 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1259 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis curie Parisiensis salutem in Domino Notum facimus quod Johannes dictus Louvin de Monte Firmolio et Agnes ejus uxor recognoverunt se vendidisse concessisse et im perpetuum quittasse magistro Radulpho de Gonnessia officiali venerabilis viri P[etri] ecclesie Parisiensis archidiaconi et ejus heredibus pro quatuordecim libris parisiensibus arpentum et dimidium prati que dicebant se habere et possidere ex hereditate dicte Agnetis sita inter Kalam et Villam Novam in loco qui dicitur Prata au Praarais in censiva Radulphi de Paciaco civis Parisiensis ad duodecim denarios capitalis census annuatim in Nativitate beati Johannis Baptiste persolvendos Promittentes [] Datum anno Domini millesimo ducentesimo quinquagesimo nono die sabbati post festum beati Johannis ante portam Latinam mense mayo Bertaudus