Charter Document - 05030584
| Charter Number: | 05030584 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1258 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis officialis curie Parisiensis salutem in Domino Notum facimus quod Rericus dictus Boucheron de Gonnessia et Maria ejus uxor asseruerunt quod ipsi habebant tenebant et possidebant de hereditate dicte Marie unum arpentum et dimidium terre arabilis site in territorio quod dicitur Fons Salminerii in censiva domini Petri de Coudreel militis ut dicebant ad duos denarios et obolum capitalis census duobus terminis annuatim persolvendos videlicet medietatem in medio mensis mayi et aliam medietatem in festo beati Dyonisii ut dicebant Que quidem arpentum et dimidium dicte terre dicti Rericus et Maria ejus uxor recognoverunt et confessi fuerunt se vendidisse et in perpetuum quittavisse magistro Radulpho de Gonnessia clerico pro quatuordecim libris et dimidia parisiensibus [] Datum anno Domini millesimo CCL octavo mense novembris die sabbati in festo beati Clementis Johannes de Monte Letherico