Charter Document - 05030580
| Charter Number: | 05030580 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1257 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis officialis curie Carnotensis salutem in Domino Noveritis quod Guillelmus de Gaseranno filius quondam defuncti Ferrici de Gaseranno quondam militis exequtor ut dicebat defuncti Guillelmi de Gaseranno quondam filii defuncti Menerii de Gaseranno quondam militis recognovit dictum defunctum Guillelmum decessisse viginti annis elapsis recognovit etiam eumdem defunctum Guillelmum legavisse in testamento suo et cepisse ad exequendum suum testamentum unum modium bladi annui redditus percipiendum super hereditate dicti defuncti Guillelmi recognovit etiam dictus exequtor quod dictus Guillelmus defunctus ipsi Guillelmo exequtori et Ade de Gaseranno quondam militi quondam fratri dicti Guillelmi de Gaseranno exequtoris et coexequtori suo potestatem et speciale mandatum dedit assignandi dictum modium bladi annui redditus alicui pio loco prout eis placeret pro salute anime dicti defuncti Guillelmi quondam filii dicti Menerii recognovit etiam quod dictus Adam decessit nulla assignatione facta de dicto modio bladi annui redditus et quod erat dictus modius bladi annui redditus assignandus Qui Guillelmus exequtor volens et intendens [] dicti defuncti Guillelmi cujus testamenti erat ut dicebat exequtor exequtioni demandare dictum modium bladi annui redditus [] dictum testamentum assignavit et concessit pro remedio anime dicti defuncti cujus erat ut dicebat exequtor religio[sis abbati] et conventui Vallium Sarneii ab eisdem abbate et conventu percipiendum et habendum singulis annis ratione dicti legati [super] hereditate dicti defuncti Guillelmi Concessit etiam idem exequtor et dedit in elemosinam pro anima dicti defuncti Guillelmi dictis religiosis fructus dicti modii bladi annui redditus qui a tempore mortis dicti defuncti Guillelmi usque ad tempus quo presentes littere confecte fuerunt possent percipi et haberi ab eisdem religiosis percipiendos et habendos omne jus et omnem actionem que et quod contra heredes dicti defuncti Guillelmi dictum exequtorem ratione dicti modii bladi annui redditus a morte dicti Guillelmi defuncti competebant et competere poterant in eosdem religiosos ex nunc penitus transferendo promittens per fidem suam se non venturum de cetero per se vel per alium aliqua causa seu ratione contra premissa vel aliquod de premissis In cujus rei testimonium et munimen presentes litteras sigillavimus sigillo curie Carnotensis Datum anno Domini MCCL septimo mense decembri