Charter Document - 05030578

Omnibus presentes litteras inspecturis Ferrandus domicellus de Pontivo filius regis Hyspanie et Laura filia comitis Montisfortis uxor ejusdem Ferrandi salutem in Domino Notum facimus omnibus ad quos presentes littere pervenerint quod clare memorie Johannes quondam comes Montisfortis filius nobilissimi viri et inclite memorie Almarici Montisfortis quondam comitis karissimus in Christo frater noster de assensu et voluntate Johanne uxoris sue nunc defuncte dedit concessit et liberavit in perpetuam et puram elemosinam religiosis viris abbati et conventui Vallium Sarnaii et monasterio eorumdem trecenta arpenta terre arabilis in uno tenenti contigua ex una parte terris dictorum monachorum videlicet terris granchie que dicitur granchia Sancti Benedicti et ex alia parte contigua terris ville que vocatur Vetus Ecclesia et ex alia eciam parte contigua chemino Carnotensi ab eisdem abbate et conventu necnon eorum monasterio perpetuo tenenda in manu mortua et possidenda libere pacifice et quiete absque aliquo honere censuali coustuma servicio seu redibitione aliqua et quacumque Et promisit idem Johannes comes predictus predictis abbati et conventui quod contra donacionem predictam venire in futurum per se vel per alium nullatenus attemptaret sed dictas terras liberas et quietas secundum quod predictum est garantizaret et liberaret tenendas in manu mortua contra omnes eisdem abbati et conventui ac monasterio eorumdem prout in litteris ipsius Johannis comitis super hoc confectis plenius continetur Nos autem Ferrandus et Laura predicti predictam donacionem ab ipso comite de dictis trecentis arpentis terre eo modo quo dictum est antedictis religiosis factam concedimus volumus laudamus et ratam et gratam habemus volentes et concedentes quod dicti abbas et conventus ac successores eorum dicta trecenta arpenta terre absque aliquo honere censuali costuma servicio seu redibicione quacumque prout voluit idem comes libere pacifice et quiete in manu mortua teneant et possideant in futurum sine aliqua coactione vendendi aut extra manum suam ponendi sine aliqua nostri aut heredum nostrorum in futurum reclamacione Resignamus etiam et quitamus ex nunc in posterum religiosis predictis ac monasterio eorumdem omne illud quod in dictis trecentis arpentis terre nobis competebat seu competere poterat ratione hereditaria seu quolibet jure alio nichil juris omnino retinentes in terris sepe dictis quantum ad nos et heredes ac successores nostros pertinet Imo totum illud jus quod ibidem habebamus vel habere poteramus quitavimus et quitamus religiosis prefatis ac monasterio eorumdem promittentes [] In cujus rei testimonium et munimen presentes litteras sepe dictis religiosis dedimus et liberavimus sigillorum nostrorum impressione munitas Datum anno Domini millesimo CCL septimo mense decembri