Charter Document - 05030572
| Charter Number: | 05030572 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1257 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Johannes primogenitus J[ohannis] comitis Suessionensis dominus de Cimay et ego Margarita de Monteforti ejus uxor omnibus presentes litteras inspecturis notum facimus quod cum vir nobilis bone memorie Almarricus condam comes Montisfortis pater predicte Margarite ob remedium anime sue legaverit prout in testamento suo vidimus plenius contineri vinginti libras annui redditus monete parisiensis pro tunicis emendis ad usus pauperum capiendis videlicet ad census de Bareteria medietatem reliquam vero medietatem ad census de Passoerio singulis annis in festo beati Remigii in capite octobris dividendis ipsis pauperibus unam medietatem per manus abbatis de Vallibus Sarnay alteram vero per manus abbatis Grandis Campi Nos Johannes et Margareta supradicti voluntatem prefati Amarrici volentes benigniter prosequi et producere ad effectum predictum legatum ratum habemus et confirmamus et pro remedio anime ipsius Amaurrici et nostrarum volumus et assignamus quod de predictis viginti libris parisiensibus capiantur decem libre parisienses singulis annis ad census nostros de Passoerio in termino prescripto per manus abbatis de Vallibus Sarnay pro tunicis sicut dictum est ad usus pauperum emendis et per ipsum abbatem de Vallibus qui pro tempore fuerit per terram Montisfortis tantummodo prout melius expedire viderit pauperibus in festo Omnium Sanctorum singulis annis dividendis ita tamen quod de prefata peccunia sive de tunicis nichil in usus abbatie prenotate convertatur Quod ut robur et firmitatem perpetuam obtineat presentes litteras sigillorum nostrorum munimine confirmamus Actum anno Domini MCC quinquagesimo septimo mense aprili