Charter Document - 05030570
| Charter Number: | 05030570 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1257 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Petrus de Sancto Hylarione miles salutem in Domino Notum omnibus fieri cupio quod ego de assensu et voluntate Beatricis uxoris mee volo et approbo et concedo quod dilecti mei abbas et conventus Vallium Sarnaii teneant et in manu mortua in perpetuum possideant quandam peciam vinee sitam in territorio de Joyaco versus Carnotum in feodo meo in loco qui dicitur Sauceium quam ipsi abbas et conventus emerunt a Filiabus Dei Carnotensibus que fuit primo Christiani dicti Pulli que pecia vinee debebat michi annui census quatuor solidos carnotenses et tenet se ex una parte terre majoris de Campo Seruco et alia vinee Symonis dicti Bichot ex alia superiori parte vineis familie Christiani Pulli predicti ex parte inferiori vie que ducit de Joyaco ad Sanctum Priscum et continet circiter arpentum et dimidium Volens et concedens [] Item notum facio quod dicti religiosi habent quatuor sextarios bladi annui redditus ex collatione mea vel parentum meorum in granchia mea de Sancto Hylarione annis singulis capiendos In cujus rei testimonium prefatis religiosis dedi presentes litteras sigilli mei impressione munitas Actum anno Domini MCC quinquagesimo sexto mense marcio