Charter Document - 05030568
| Charter Number: | 05030568 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1257 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
In nomine Patris et Filii et Spiritus Sancti amen Anno Domini millesimo ducentesimo quinquagesimo sexto die mercurii ante Purificationem beate Marie Virginis petente in jure coram nobis fratre Roberto monacho procuratore generali ut dicebat abbatis et conventus Vallium Sarnaii nomine eorumdem abbatis et conventus a domina Matildi de Malliaco decem solidos parisienses annui redditus in quibus eisdem abbati et conventui tenebatur dicta domina ex successione domine Mabilie quondam sororis sue tanquam propinquior heres que Mabilia defuncta debebat dum vivebat ut dicitur eisdem abbati et conventui dictos decem solidos parisienses annui redditus ex elemosina matris earumdem et sexaginta solidos parisienses ex arreragiis in quibus eisdem tenebatur dicta Matildis ut dicebat eadem ratione Johane de Malliaco clerico filio Durandi de Malliaco procuratore dicte domine contra nomine dicte domine omnia premissa et singula vera esse negante jurato a partibus de calumpniis positionibus et responsionibus factis confessionibus partium et allegationibus in jure factis attentis testibus ex parte dictorum abbatis et conventus ad suam intentionem fundandam productis publicatis attestationibus et diligenter inspectis quibusdam instrumentis ex parte eorumdem abbatis et conventus in modum probationis in jure exhibitis visis et diligenter hiis que in eisdem continebantur consideratis auditis partibus in hiis que proponere voluerunt die ad audiendum diffinitivam sententiam partibus assignata procuratoribus partium in jure coram nobis comparentibus et nomine procuratorio sententiam sibi reddi instanter petentibus consideratis omnibus que nos de jure movere poterant et debebant omnibus rite peractis communicato bonorum consilio sententialiter in scripto condempnamus dictam Matildim tanquam heredem dicte defuncte Mabilie quondam sororis sue ad reddendum dictis abbati et conventui decem solidos parisienses annui redditus petitos et ad reddendum eisdem sexaginta solidos de arreragiis dicti redditus de sex annis preteritis questionem expensarum dictis abbati et conventui et procuratori eorum nomine per eandem sententiam reservantes Datum anno et die predictis Gazo