Charter Document - 05030566
| Charter Number: | 05030566 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1256 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis Guarinus de Bercheriis armiger salutem in Domino Notum omnibus fieri cupio quod ego volui laudavi et concessi ab ipso principio et im perpetuum laudo volo et concedo venditionem quam iniit et fecit Hugo Pagani armiger nepos meus religiosis viris abbati et conventui Vallium Sarnaii de quatuor peciis terre et quodam herbergamento quarum prima sita est in loco qui dicitur Curva Spina [] Iterum laudo et concedo venditionem quam fecit dictis religiosis dictus armiger de duobus denariis censualibus super domo Mathie relicte Arnulphi le Goz et quatuor solidis censualibus super herbergamento Auberti Tricais contiguo herbergamento domini Roberti de Ymonvilla militis volens et concedens quod prefati religiosi omnes res predictas de feodo meo et dominio in primo loco moventes in manu mortua sine coactione vendendi aut extra manum suam ponendi libere et pacifice teneant et possideant in futurum nichil penitus juris seu dominii retinens in rebus predictis sed totum transferens in religiosos predictos Et quantum ad omnia et singula premissa observanda me et heredes et successores meos honero et obligo et in futurum honeratos et obligatos relinquo In cujus rei testimonium et munimen prefatis religiosis dedi presentes litteras sigilli mei impressione munitas Actum anno Domini MCC quinquagesimo sexto mense novembri in festo beati Clementis