Charter Document - 05030564
| Charter Number: | 05030564 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1256 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis curie Parisiensis salutem in Domino Notum facimus quod Thomas dictus Torchepot et Lijardis ejus soror asseruerunt quod ipsi habebant tenebant et possidebant quandam domum sitam Parisius ultra Parvum Pontem in vico Murorum cum quodam jardino retro dictam domum sito contiguam domui ipsius Thome ex una parte et granchie venerabilis viri Petri ecclesie Parisiensis archidiaconi ex altera ut dicebant in censiva beate Marie Parisiensis ad triginta denarios parisienses censuales annuatim debitos dicte ecclesie beate Marie Parisiensis videlicet in festo beati Remigii ut dicebant Quam domum cum jardino et pertinenciis et quicquid juris habebant in dicta domo predicti Thomas et Lijardis ejus soror recognoverunt se vendidisse et im perpetuum quittasse Roberto dicto Parvo de Remis servienti domini Parisiensis episcopi et ejus heredibus et illis qui causam habebunt ab eo pro viginti libris parisiensibus [] Datum anno Domini M ducentesimo quinquagesimo sexto die martis in crastino beati Dyonisii mense octobri Ugo de Feritate