Charter Document - 05030557
Charter Number: | 05030557 |
---|---|
Cartulary Title: | Cartulaire de l'Abbaye de Notre-Dame des Vaux de Cernay |
Charter Language: | Latin |
Charter Origin: | Lay |
Charter Type(s): | Concession |
Date: | 1256 |
Date type: | Internal, A.D. |
Resource Link(s): |
|
Charter:
Universis presentes litteras inspecturis Agnes uxor quondam nobilis viri Buchardi domini Marliaci militis salutem in Domino Notum facio quod ego ad preces et petitionem karissimi filii mei Alfonsi dicti Buchardi primogeniti dum idem in extremis laboraret dedi et concessi in puram et perpetuam elemosinam pro salute anime sue abbacie Vallium Sarnaii et monachis ac conversis ibidem Deo servientibus dimidium modium bladi scilicet avene et ordei mixtim habendum et percipiendum annuatim apud Fontanetum Vicecomitis in granchia mea de terris meis quas possideo ibidem et volo quod propter hoc fiat ejus aniversarium singulis annis die qua dictus filius meus decessit in abbacia memorata In cujus rei testimonium et munimen litteris presentibus sigillum meum dignum duxi apponendum Actum anno Domini MCC quinquagesimo quinto mense februario