Charter Document - 05030556
| Charter Number: | 05030556 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1255 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis ego Guillelmus de Carnoto miles et dominus de Vere salutem Notum sit universis presentes litteras inspecturis quod Theobaldus de Piatovillari miles vendidit et nomine venditionis concessit ad usus et consuetudines carnotenses religiosis viris abbati et conventui de Vallibus Sarneii quandam peciam terre continentem quatuor sextaria seminis sitam apud Bercherias contiguam terre Gaufridi dicti Daval ex una parte et domui Stephani dicti Flouri ex altera quandam peciam terre tria sextaria seminis continentem sitam ut dicitur apud crucem que vulgaliter dicitur Crux Sancti Germani contiguam camino Drocensi ex una parte et terre Christiani dicti Benedicti ex altera quandam aliam peciam terre continentem dimidium modium terre seminis capientis sitam apud Harevillam contiguam terre defuncti Georgii dicti Maillart ex una parte et terre Guarini dicti de Magno Campo ex altera octo solidos carnotenses censuales cum quadam gaulina solventi cum predicto censu quos octo solidos censuales cum gaulina predicta idem Theobaldus habebat et percipiebat nomine redditus annis singulis in crastino festi Omnium Sanctorum super herbergamento Gaufridi dicti Parvi sito apud Bercherias et ecciam omne feodum quod quedam mulier que dicitur vulgaliter damme Minout de Fourneaus tenet et possidet ab eodem Theobaldo tanquam feodum et quicquid idem Theobaldus habebat vel habere poterat ex quocumque jure seu causa in rebus venditis antedictis Que omnia vendita et singula movent ex hereditate et dominio Theobaldi supradicti Preterea idem Theobaldus confessus fuit coram me Guillelmo de Carnoto milite se dedisse et nomine collationis concessisse in puram et perpetuam elemosinam eisdem religiosis viris abbati et conventui de Vallibus Sarneii unam minatam avene et quinque denarios super herbergamentum Droconis dicti Sutoris super herbergamentum Droci dicti Voisin duodecim denarios super herbergamentum Bone Mulieris unam pictavinam super herbergamentum Symonis dicti Hermant unam pictavinam super herbergamentum Stephani dicti Gace unum obolum super herbergamentum Houdini carnificis unum denarium et etiam quicquid idem Theobaldus juris habebat vel habere poterat in rebus elemosignatis predictis quam minam avene et quam summam pecunie prout divise sunt idem Theobaldus habebat et percipiebat annis singulis nomine redditus super herbergamentis predictis in festo beati Remigii Que etiam res elemosinate et singule movent ex feodo meo Et quibus venditionibus et elemosignationibus de predictis omnibus et singulis rebus factis ut dictum est ego Guillelmus de Carnoto miles predictus eas venditiones et elemosignationes ab eodem Theobaldo factas ut dictum est volo concedo laudo et approbo tanquam dominus ex predictis rebus feodalis Item volo et concedo quod predicti religiosi viri abbas et conventus de Vallibus Sarneii predictas res sibi venditas et elemosignatas a dicto Theobaldo omnes et singulas moventes ex feodo nostro ut dictum est ex nunc in manu mortua teneant et possideant in futurum Et insuper ego predictus Guillelmus de Carnoto miles promitto bona fide quod ego res venditas et elemosignatas ut dictum est in manu mortua eisdem religiosis viris abbati et conventui de Vallibus Sarneii garandizabo et deffendam contra Guarinum de Bercheriis et ejus heredes seu successores volens et concedens ego predictus Guillelmus quod si contingeret aliquo casu contingente aliquem seu aliquos contra venire ita quod non possim eisdem religiosis viris abbati et conventui de Vallibus Sarneii dictas res venditas et elemosignatas in manu mortua garandizare et defendere quod ego pecuniam michi vel mandato meo ab dictis religiosis viris abbate et conventui ut dictum est solutam sine diminucione aliqua solvere et reddere tenear tali modo quod soluta eisdem religiosis viris pecunia illud feodum ad me tanquam ad dominum ex nunc possit et valeat omnino reddi seu reverti Et quantum ad hoc obligo me et heredes meos universales et singulos In cujus rei testimonium presentes litteras dictis abbati et conventui sigillo meo contuli sigillatas Datum anno Domini millesimo ducentesimo L quinto mense decembri