Charter Document - 05030548
| Charter Number: | 05030548 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1255 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis curie decani Carnotensis salutem in Domino Noveritis quod Guillelmus Renardi et Johanna ejus uxor cives Carnotenses dederunt et assignaverunt Marie filie sue emancipate ab eis ut dicebant pro parte ipsam contingente de bonis ex parte dictorum Guillelmi et Johanne moventibus quatuor libras annui redditus percipiendas ad festum Omnium Sanctorum ab eadem Maria quoad vixerit vel ejus mandato de reditibus seu proventibus duorum arpentorum vinearum ipsorum Guillelmi et Johanne sitorum apud Luisant in censiva sancti Martini in Valle Carnotensis juxta vineas monachorum abbatie sancti Florentini de Bonavalle ut dicitur que duo arpenta vinearum pro dicto redditu annuo super hiis percipiendo obligaverunt eidem Marie coram nobis Promittentes [] In cujus rei testimonium et munimen presentes litteras sigillavimus sigillo curie decani Carnotensis Datum anno Domini MCC quinquagesimo quinto die sabbati ante festum beati Barnabe apostoli