Charter Document - 05030540
| Charter Number: | 05030540 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Composition |
| Date: | 1254 |
| Date type: | Internal, A.D., Feast, Lunar |
| Resource Link(s): |
Cartulaires d'Île-de-France |
Charter:
Acta coram nobis anno Domini MCCL quarto die lune in Nativitate beati Johannis Bauptiste Proposuit in jure coram nobis procurator Vallium Sarnai abbati et conventui contra Goudefridum dictum le Moteron Johannem dictum de Renoilheres et Johannem dictum Presbiterum quod dicti homines intraverunt nemus dictorum monachorum juxta granchiam de Boillonello minus juste et asportaverunt inde per vim de nemore predicto in fasciculis et ligaturis quod facere non debebant prout continetur in compositione facta inter dictos monachos et homines de Ulmeio et eorum dominos prout in instrumento super compositione facta sigillato sigillo domini Baldouini de Corbolio militis continetur Que omnia predicta confessi fuerunt predicti homines coram nobis et promiserunt fide data quod pro dampno et injuria dictis monachis illatis satisfacient ad voluntatem et arbitrium fratris Martini conversi dicti monasterii magistri dicte granchie quilibet ipsorum usque ad valorem decem solidorum parisiensium promittentes sub fide prestita quod talia vel consimilia de cetero non actentabunt Datum anno et die predictis