Charter Document - 05030537
| Charter Number: | 05030537 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1254 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis officialis archidiaconi Pissiacensis salutem in Domino Notura facimus quod Galterus de Tyvervalle miles dedit et in puram et perpetuam elemosinam concessit religiosis viris abbati et conventui Vallium Sarnaii totam terram quam habebat et tenebat a domino Guidone de Nealpha decano Turonensi ut dicebat in uno tenenti sitam in territorio quod dicitur Vallis Huboudi juxta terram dictorum monachorum de loco quod dicitur les Esbysoers ex duobus lateribus ex alio latere juxta terram monialium de Sancto Cirico ex alio juxta terras prions de Plesiz ab eisdem religiosis imperpetuum in manu mortua tenendam et pacifice possidendam promittens fide in manu nostra prestita corporali quod contra concessionem predictam non veniet in futurum Hanc autem donationem seu concessionem laudaverunt domina Ysabella uxor predicti Galteri Jacobus et Johannes liberi eorumdem volentes et concedentes quod dicti religiosi et successores eorumdem dictam terram in manu mortua ut dictum est superius teneant et possideant in futurum pacifice libere et quiete sine ipsorum vel heredum suorum seu successorum reclamatione renunciantes [] In cujus rei testimonium et munimen ad peticionem predictorum presentes litteras sigillo curie nostre duximus sigillandas Datum anno Domini millesimo ducentesimo quinquagesimo tercio mense martio