Charter Document - 05030532
| Charter Number: | 05030532 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Restitution |
| Date: | 1253 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Guillelmus dictus Campestris et Guillelmus Sanz Avoir milites salutem in Domino Notum facimus quod nos tenemur et specialiter nos obligavimus et tenemus nos pro obligatis ad reddendum viris religiosis abbati et conventui Vallis Sarnaii triginta libras turonenses quas percepimus ab eisdem ut pateremur eosdem religiosos tenere in manu mortua quicquid habebant in feodo de Bannecuria nisi eosdem potuerimus liberare et defendere si forte aliquis dominus superior contra concessionem nostram venerit et tunc ipsi reddent cartam quam habent in sigillis nostris sigillatam et sic erimus sicut antea et infra annum et diem post ceptam contradictionem tenebimur eisdem restituere triginta libras turonenses predictas et hec omnibus tenore presentium intimamus Datum anno Domini MCCL tercio die martis in crastino sancti Egidii