Charter Document - 05030526
| Charter Number: | 05030526 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Dispute |
| Date: | 1252 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod cum contentio verteretur coram nobis auctoritate ordinaria inter viros religiosos abbatem et conventum Vallium Sarnaii ex una parte et dominum Johannem de Sarnaio militem ex altera super co quod dicti monachi proponebant coram nobis contra dictum militem quod dictus miles contra justitiam porcos suos immittebat seu immitt[re] faciebat ad pascendum in quedam nemora sita juxta dictam abbatiam inter villam Auffargis et dictam villam de Sarnaio ad ipsum monasterium jure dominii vel quasi pertinentia quare petebant dicti monachi dictum militem super his prohiberi et ei super hoc perpetuum silentium imponi maxime cum sicut dicebant dictus miles nullum jus haberet ibidem in specie vel in genere et quod non habebat aliquod jus utendi seu fruendi eisdem nemoribus nec aliquid aliud faciendi seu percipiendi ibidem tandem dictus miles recognovit se nullum penitus jus habere vel posse habere in nemoribus antedictis confitens se non posse vel debere de jure porcos suos ibidem ad pascendum immittere seu immittere facere nec etiam frui seu uti in aliquo eisdem nemoribus et se etiam non habere jus aliquid percipiendi faciendi in eisdem et si quid juris haberet vel habere posset in presenti in dictis nemoribus vel in aliquo premissorum quiete et pacifice quictavit et remisit dictis monachis et coram nobis illi juri renunciavit et transtulit coram nobis in monachos antedictos Voluit etiam concessit et approbavit idem Johannes donationem quam Guillelmus de Villa Regis et Gila ejus uxor fecerunt eisdem abbati et conventui de tota parte quam habebant in majori decima de Sarnaio que movet de feodo ipsius militis ut dicebat Volens et concedens quod predicti abbas et conventus ut dictum est collatam teneant et possideant in perpetuum in manu mortua sine coactione vendendi aut extra manum suam ponendi pacifice et quiete Et promisit [] In cujus rei testimonium presentes litteras sigillo curie Parisiensis fecimus roborari Datum anno Domini millesimo ducentesimo quinquagesimo secundo mense aprili