Charter Document - 05030524
| Charter Number: | 05030524 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1252 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod dominus Philippus de Campania miles asseruit quod abbas et conventus de Vallibus Sarnayi habebant et possidebant unam peciam vinee site apud Atyes quam vineam Guillelmus de Esparnoliis et Ausendis ejus uxor quondam dederunt eisdem abbati et conventui in puram elemosinam ut dicebant que quidem vinea sita est in censiva ejusdem Philippi onerata de tribus denariis et una picta et pressura vindemie ejusdem vinee ad pressorium ejusdem militis Quem censum cum pressura et omni juris dominio quod habebat idem miles in dicta vinea coram nobis quictavit eisdem abbati et conventui im perpetuum nichil juris vel dominii sibi vel heredibus suis retinens in eadem et promisit [] Datum anno Domini MCCL primo mense martio