Charter Document - 05030520
| Charter Number: | 05030520 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1251 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Thomas de Cociaco junior miles et Margarita filia vicedomini de Piqueniaco uxor ejus salutem in Domino Notum facimus quod nos ob remedium animarum nostrarum et antecessorum nostrorum in puram et perpetuam elemosinam damus concedimus et quittamus perpetuo viris religiosis abbati et conventui Vallium Sarnaii et eorum monasterio liberum transitum quantum ad nos et heredes et successores nostros pertinet absque pedagio transverso consuetudine vel costuma et absque alia qualibet exactione per portum de Confluantio [] Et ad hec omnia et singula adimplenda et perpetuo firmiter observanda nos fratres sorores heredes et successores nostros obligamus et relinquimus obligatos In cujus rei testimonium et munimen nos Thomas et Margarita predicti presentibus litteris sigilla nostra duximus apponenda Actum anno Domini millesimo ducentesimo quinquagesimo primo mense junio