Charter Document - 05022398
| Charter Number: | 05022398 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Universis presentes litteras inspecturis ego Adam dominus de Galardone notum facio quod cum monachi Vallium Sarnaii unum medium frumenti haberent ex dono antecessoris mei Philippi Britonis in grangia de Galardone singulis annis in festo sancti Remigii percipiendum tandem ex voluntate dictorum monachorum et mea necnon pro utilitate domus illorum et eorum quiete est permissum et inter me et ipsos tale factum est escambium videlicet quod ego jam dictus Adam de voluntate et assensu Agnetis uxoris mee pro supradicto modio frumenti dedi eis et assignavi sexaginta solidos carnotenses in prefectura de Galardone singulis annis in festo sancti Christofori martiris percipiendos alios autem sexaginta solidos carnotenses quos ex donis antecessorum meorum in supradicta prefectura de Galardone hactenus ad duos terminos perceperunt volo et constituo ut de cetero eos ex integro in festo Purificacionis beate Marie singulis annis per manum prepositi mei de Galardone sine impedimento vel aliqua dilacione percipiant hoc dicens et necessarium judicans quod prepositus quicumque pro tempore illius anni fuerit ille infra quindenam postquam a supradictis monachis fuerit requisitus tradat eis bonos plegios quod ad terminos superius nominatos dictas sex libras carnotenses singulis annis ipse persolvet Quod si dictus prepositus facere renuerit ego vel heredes mei eum ad hoc inducere tenebimur ad peticionem monachorum In cujus rei memoriam et munimen hanc presentem paginam scribi feci et sigilli mei munimine roboravi Actum anno Domini MCC trigesimo nono mense martio