Charter Document - 05021023
| Charter Number: | 05021023 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1162 - 1163 |
| Date type: | Internal, A.D., Episcopal |
| Resource Link(s): |
Cartulaires d'Île-de-France |
Charter:
Mauricius Dei gratia Parisiensis episcopus sancte ecclesie fidelibus salutem Notum fieri volumus universis tam presentibus quam futuris quod Paganus de Pisis miles dedit in puram et perpetuam elemosinam ecclesie Sarnaii et monachis ibidem Deo servientibus totam terram suam que dicitur de Crechiis liberam ab omni censu decima et campi parte ad granchiam construendam continentem circiter centum LVI arpenta terre contiguam ex una parte chemino tendenti de Bonnella ad Molerias et ex alia parte terris de Molleriis et chemino tendenti de Sarnayo ad dictas Mollerias et ex aliis partibus terris de Pommereto cum sex arpentis prati vel eo circa sitis inter terras de Pommereto contiguis ex una parte terre supradicte de Crechiis et ex omnibus aliis partibus terris de Pommereto Et Joscelinus de Lymoiis miles Hoc autem ut firmius teneretur Buchardus de Couldreio miles de cujus feodo supradicte terre nemora et frechia erant omnia predicta cum omni jure dominio et omni justicia que in eis habebat libera et quieta monachis dimisit concessit et quittavit nichil retinens in premissis sibi ipsi nec heredibus suis [Fratres] eciam predicti Joscelini Guido Herveus Fromundus Maheius Gruel et uxor ejus et filie Helvisa Agnes et Eramburgis laudaverunt et sacramento fidei firmaverunt Quod in futuris temporibus teneatur inconcussum sigilli nostri [] Actum publice Victoricii in presentia nostra anno ab incarnatione Domini MCLXII episcopatus vero nostri anno tercio