Charter Document - 05020507
| Charter Number: | 05020507 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1250 |
| Date type: | Internal, Calendar, Papal |
| Resource Link(s): |
|
Charter:
Innocentius episcopus servus servorum Dei dilectis filiis abbati et conventui monasterii Vallis Sarnay salutem et apostolicam benedictionem Intimantibus vobis accepimus quod cum exhibeatis vos in hospitalitate omnibus liberales diocesano vestro et aliis ecclesiarum prelatis eorumque familiis cum ad vestrum declinant monasterium caritative necessaria ministrantes nonnulli prelatorum ipsorum hujusmodi gratiamconvertere molientes in debitum et quod sic sponte ipsis impenditis deberi sibi ex antiquo consuetudine asserentes vos et prefatum monasterium propter hoc multipliciter aggravant et molestant Nos igitur vestris supplicationibus inclinati volentes in hac parte vestre quieti paterna diligentia providere ne quisquam prelatus id deinceps a vobis ex debito exigere vel extorquere presumat auctoritate presentium districtius inhibemus Nulli [] Datum Lugduni VI kalendas novembris pontificatus nostri anno septimo