Charter Document - 05020501
| Charter Number: | 05020501 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis in Domino salutem Notum facimus quod Guillelmus de Trapis burgensis de Monte Letherico et Odelina uxor sua legaverunt religiosis viris abbati et conventui monasterii Vallium Sarnaii quandam peciam prati ad opus anniversarii ipsorum Guillelmi et ejus uxoris continentem ut dicitur sex arpenta vel circiter sitam in ripparia de Ourge inter molendinum de Basset et molendinum de Grootel contiguam pratis militum de Sancto Michaele ut dicebant in censiva dominorum Philippi de Linais et Gilonis patrui ipsius Philippi ac Robini nepotis ipsius Gilonis armigeri ad duodecim denarios capitalis census ut dicebant Promittentes [] Dictus autem dominus Philippus et nobilis mulier domina Petronilla uxor sua voluerunt et concesserunt expresse legatum hujusmodi et quod dicti religiosi in perpetuum teneant et possideant dictum pratum cum ad eos fuerit devolutum post mortem dictorum Guillelmi et ejus uxoris in manu mortua sine coactione vendendi seu extra manum suam ponendi salvo eis solummodo dicto censu promittentes fide data contra hec non venire Datum anno Domini millesimo ducentesimo quinquagesimo mense julio