Charter Document - 05020500
| Charter Number: | 05020500 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1250 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Johannes de Scroniis miles salutem in Domino Noveritis quod cum ego haberem quinque solidos carnotenses annui redditus super toto feodo quod dominus Gilo dictus Fort Arnier presbiter et persona ecclesie de Briis a me tenebat apud Joiacum et ego dictos quinque solidos pro remedio anime mee Filiabus Dei de Carnoto in puram elemosinam contulissem et dicte Filie Dei dictos quinque solidos religiosis viris abbati et conventui Vallium Sarnaii in manu mortua possidendos vendidissent dictam venditionem factam a dictis Filiabus eisdem religiosis ratam habeo et laudo volens et concedens quod dicti religiosi dictos quinque solidos in manu mortua possideant im perpetuum pacifice et quiete In cujus rei testimonium presentes litteras sigillo meo sigillavi Actum anno Domini MCC quinquagesimo mense junio