Charter Document - 05020485
| Charter Number: | 05020485 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1249 |
| Date type: | Internal, Calendar, Papal |
| Resource Link(s): |
Cartulaires d'Île-de-France |
Charter:
Innocentius episcopus servus servorum Dei dilectis filiis abbati Cistercii ejusque coabbatibus et conventibus universis Cisterciensis ordinis salutem et apostolicam benedictionem Solet annuere sedes apostolica piis votis et honestis petentium desideriis favorem benivolum impertiri eapropter dilecti in Domino filii vestris justis postulationibus grato concurrentes assensu omnes libertates et immunitates a predecessoribus nostris Romanis pontificibus sive per privilegia seu alias indulgentias ordini vestro concessas necnon libertates et exemptiones secularium exactionum a regibus et principibus vel aliis Christi fidelibus rationabiliter vobis indultas auctoritate apostolica confirmamus et presentis scripti patrocinio communimus Nulli [] Datum Lugduni nonis septembris pontificatus nostri anno sexto