Charter Document - 05020477
| Charter Number: | 05020477 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1249 |
| Date type: | Internal, A.D. |
| Resource Link(s): |
|
Charter:
Ego Jaquelinus de Chaleto armiger notum facio universis presentes litteras inspecturis quod ego pro me et heredibus meis sivesuccessoribus volo laudo et ratam habeo vendicionem quam Robertus dictus Taupin armiger et Ysabellis ejus uxor fecerunt religiosis viris abbati et conventui Vallium Sarnaii de quarta parte decime terrarum suarum inter Telesvillam et Senesvillam cujus decime territorium incipit a fossa de Auchereuse et tendit usque ad fossam Pagani et a fossa Pagani usque prope fossam quamdam que vocatur Marchesium Carnotense et insuper de quarta parte decime cujusdam territorii quod vocatur Burron duos modios sementis vel circiter continentis Quarum decimarum tres alie partes sunt et fuerunt predictorum abbatis et conventus Quam quidem quartam partem dictus Robertus tenebat in feodum a Theobaldo de Piativillari armigero primo domino feodi et idem Theobaldus a Stephano Claudo de Piativillari fratre suo armigero secundo domino feodi et dictus Stephanus a me tercio domino feodi supradicti Cedo enim et transfero cessi enim et transtuli spontanea voluntate in eosdem abbatem et conventum omne jus et dominium juridicionem et justiciam quod et quam habebam vel habere poteram in predicta quarta parte decimarum nichil juris proprietatis seu possessionis michi vel heredibus meis retinens aliquatenus in quarta parte vendita supradicta Et promitto [] In cujus rei testimonium presentes litteras predictis abbati et conventui tradidi sigilli mei munimine sigillatas Datum anno Domini millesimo ducentesimo quadragesimo nono mense julio