Charter Document - 05020469
| Charter Number: | 05020469 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1249 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis Johannes de Crievecuer clericus et Richardus frater ejus armiger salutem in Domino Noverint universi quod nos bona et spontanea voluntate donationem quam dudum fecit viris religiosis abbati et conventui Vallium Sarnaii Bernardus filius Ogeri de decem solidis parisiensibus super masuram quamdam sitam apud Bisi juxta viculum quemdam per quem itur de Bisi apud Longuam Villam ex una parte et immediate contiguam masure Petri de Cruce ex altera quam modo tenet Johannes de Maleseres que de feodo nostro movet gratam habemus laudamus et approbamus dictamque donationem dictis abbati et conventui concedimus in perpetuum in manu mortua sine coactione vendendi vel extra manum suam ponendi pacifice possidendam et eam ipsis nos garentizare promittimus contra omnes In cujus rei memoriam et munimen presentes litteras sigillorum nostrorum munimine fecimus roborari Datum anno Domini MCC quadragesimo octavo mense februario