Charter Document - 05020465
| Charter Number: | 05020465 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1248 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Noverint universi presentes litteras visuri vel audituri quod ego Martinus dictus Purchaz dedi et concessi et hac presenti carta mea confirmavi pro salute anime mee et predecessorum meorum abbacie de Valle de Sernei in puram elemosinam sexdecim denarios parisienses annui redditus quos michi debebat annuatim dicta abbacia de feodo de Tylli tenendos et habendos et jure hereditario in perpetuum possidendos dicte abbacie libere quiete et pacifice absque ulla mei et aliorum heredum meorum reclamacione et calumpnia Hanc autem donacionem et concessionem ego dictus Martinus et mei heredes tenemur de cetero garantizare dicte abbacie contra omnes gentes Et ut hoc firmum et stabile perseveret in posterum ego dictus Martinus presentem cartam sigilli mei munimine roboravi Actum anno Domini MCCXL octavo mense junii