Charter Document - 05020463
| Charter Number: | 05020463 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1248 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis M[atheus] miseratione divina Carnotensis episcopus salutem in Domino Noverint universi quod Nevelo de Boucigniaco clericus voluit concessit et laudavit venditionem factam a Roberto de Monasterio cujusdam domus site apud monasterium Orphini juxta grangiam monachorum Vallium Sarnaii abbati et conventui Vallium Sarnaii quam domum dictus Robertus tenebat in feodum a dicto Nevelone prout idem Nevelo asseruit coram nobis In cujus rei testimonium et munimen ad petitionem dicti Nevelonis presentibus litteris sigillum nostrum duximus apponendum Datum anno Domini MCCXL octavo mense maio