Charter Document - 05020454
| Charter Number: | 05020454 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1247 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis officialis curie Carnotensis salutem in Domino Noverint universi quod cum contentio verteretur inter religiosos viros abbatem et conventum Vallium Sarnaii ex una parte et priorem et conventum sancti Nigasii de Mellento ex altera super eo quod idem prior et conventus dicebant se debere percipere decimam tam bladi quam vini in granchia dictorum abbatis et conventus Vallium Sarnaii que granchia le Broulart noncupatur ea videlicet ratione quod ipsi prior et conventus sancti Nigasii de Meullento percipiunt grossas et minutas decimas in tota parrochia de Frauxinis infra metas cujus parrochie dicta granchia sita est tandem post multas et longas altercationes de bonorum virorum consilio in dominum Hugonem presbiterum de Trapis haut et bas dicte partes compromiserunt et compromissum suum firmaverunt sub pena centum librarum parisiensium quam pars resiliens ab arbitrio solvere teneretur parti alteri dicti Hugonis presbiteri arbitrium observanti Idem vero Hugo arbitrium suum protulit in hunc modum videlicet quod dicti abbas et conventus Vallium Sarnaii dederunt in perpetuum dicto priori et conventui sancti Nigasii pro redemptione laborum suorum et expensarum quamdam peciam vinee sitam infra metas dicte parrochie de Frauxinis que vinea vocatur Bode ad censum duodecim denariorum solvendorum dictis abbati et conventui a predicto priore et conventu apud Broulat singulis annis ad crastinum festi Omnium Sanctorum et dicti abbas et conventus pro censu memorato dictam vineam liberam et immunem ab omni exactione dicto priori et conventui in perpetuum garandizare tenebuntur Dicti vero prior et conventus sancti Nigasii eisdem abbati et conventui Vallium Sarnaii jus si quid habebant in perceptione decimarum tam vinearum quam terrarum ad granchiam de Broulat infra metas parrochie de Frauxinis pertinencium usque ad hodiernam diem videlicet usque ad crastinum festi Omnium Sanctorum anno Domini millesimo ducentesimo quadragesimo septimo in perpetuum quittaverunt Nos autem dictum arbitrium prout bona fide prolatum est volumus laudamus et approbamus et quamtum in nobis est auctoritate curie Carnotensis confirmamus In cujus rei testimonium et munimen presentes litteras ad requisitionem dictarum parcium sigillo curie Carnotensis duximus roborandas Actum anno Domini MCCXL septimo mense novembri