Charter Document - 05020445
| Charter Number: | 05020445 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1246 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis [] Postmodum Johannes de Botigniaco miles et Matildis ipsius Johannis uxor a qua Matildi dicta decima tamquam a prima domina movere dicitur donacionem et quitacionem factas dictis abbati et conventui de dicta decima a dictis Gervasio et Roberto prout superius est expressum laudaverunt et concesserunt perpetuo a dictis abbate et conventu possidendas et habendas et fidem in manu nostra prestiterunt corporalem [] Insuper dicta Matildis voluit coram nobis expresse et concessit quod si filii ejusdem Matildis vel heredes seu aliquis eorumdem contra donacionem et quitacionem factas venirent vel procurarent quominus supradicta omnia rata permanerent et firma dicti abbas et conventus haberent et tenerent in puram et perpetuam elemosinam quintam partem tocius hereditatis Matildis supradicte de qua quinta parte dicta Matildis se in manu nostra desesivit retento tamen dicte Matildi in dicta quinta parte interim usufructu In cujus rei testimonium et munimen dictis abbati et conventui presentes litteras dedimus sigilli curie Carnotensis munimine roboratas Actum anno Domini MCCXL quinto mense januario