Charter Document - 05020444
| Charter Number: | 05020444 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1246 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis officialis curie Carnotensis salutem in Domino Noveritis quod cum Gervasius de Croupellis et Robertus quomdam ejus frater clerici dedissent et quitassent religiosis viris abbati et conventui Vallium Sarnaii quicquid habebant in decima de Glaharvilla in parrochia de Abluis in puram et perpetuam elemosinam ut dicitur prout in litteris bone memorie Alberici quomdam episcopi Carnotensis vidimus contineri postmodum Hugo dictus Chauvin armiger a quo Hugone dicta decima tamquam a secundo domino movere dicitur donacionem et quitationem factas dictis abbati et conventui de dicta decima a dictis Gervasio et Roberto prout superius est expressum laudavit et concessit perpetuo a dictis abbate et conventu possidendum et habendum et fidem in manu nostra prestitit corporalem quod contra donacionem et quitacionem supradictas per se vel per alium de cetero non veniet nec aliquid in dicta decima reclamabit in futurum In cujus rei testimonium et munimen dictis abbati et conventui presentes dedimus litteras sigilli curie Carnotensis munimine roboratas Actum anno Domini MCCXL quinto mense januario