Charter Document - 05020442
| Charter Number: | 05020442 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1245 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Officialis curie Parisiensis presbitero de Longojumello salutem in Domino Cum Guillermus de Baleinvillari armiger voluerit coram nobis et concesserit tanquam dominus censive ut dicebat quod abbas et conventus Vallium Sarnaii teneant et possideant in perpetuum in manumortua sine coactione vendendi seu ponendi extra manum suam tria quarteria vinee site apud Bruerias ut dicitur moventis ut asseritur de censiva ejusdem armigeri quam vineam defunctus magister Michael de Brueriis eisdem abbati et conventui in elemosinam dicitur legavisse item tresdecim quartas vini et dimidiam de decima annui redditus que in eisdem tribus quarteriis vinee legate percipiebantur nec non et novem denarios capitalis census qui debebantur ratione eorumdem quarteriorum quam decimam et censum dicitur eisdem monachis idem Guillermus vendidisse pro sexaginta et quinque solidis parisiensibus vobis mandamus quatinus ad Aalinam uxorem predicti Guillelmi personaliter accedentes inquiratis ab ea verum velit et concedat concessionem et venditionem a predicto Guillelmo marito suo factas spontanea voluntate quod si voluerit recipiatis vice nostra ab eadem fidem quod contra per se vel per alium de cetero non veniet nec jure dotalicii nec ullo alio jure Quibus ab ipsa factis et completis sigillum vestrum his presentibus apponatis in signum testimonii predictarum Datum anno Domini MCCXL quinto die martis ante Nativitatem beate Marie virginis Redde litteras