Charter Document - 05020435
| Charter Number: | 05020435 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1245 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Symon de Sarqueuse miles salutem in Domino Noverint universi quod Archemboudus feodatarius noster de assensu et voluntate nostra concessit laudavit et approbavit donationem quam Archenoudus frater ejus quondam fecerat in puram et perpetuam elemosinam abbati et conventui Vallium Sarnaii de septem sextariis annui redditus tam ibernagii quam avene quos habebat dictus Archenoudus in grangia dictorum monachorum sita apud Urfinum de quadam decima que a domino Amalrico fratre nostro movebat Insuper dictus Archemboudus vendidit de assensu et voluntate nostra dictis abbati et conventui ad perpetuo tenendum in manu mortua et possidendum alios septem sextarios annui redditus de decima tam ibernagii quam avene quos habebat dictus Archemboudus in dicta grangia supradictorum monachorum quam decimam dictus Archemboudus a nobis infeodum tenebat de quodam augmento feodi quod nobis dederat frater noster pro precio viginti quinque librarum turonensium de qua pecunie summa se tenuit coram nobis dictas Archemboudus pro pagato et de dicta decima et de omni jure quod ibi habebat vel habere poterat se in manu nostra desesivit et nos abbatem ipsius monasterii nomine ipsius monasterii de totali decima scilicet quatuordecim sextariorum annui redditus auctoritate fratris nostri et nostra sesivimus Has autem tam vendicionem quam donacionem sapradictas voluerunt et concesserunt Robinus et Colinus filii Archemboudi supradicti et promiserunt [] Nos autem tam vendicionem quam donacionem supradictas laudamus et confirmamus et garantizare promittimus contra omnes dicto monasterio habendas perpetuo in manu mortua et tenendas Hec autem omnia supradicta facta fuerunt concessa et confirmata de assensu et voluntate Amalrici domini de Sarqueuse militis fratris nostri de cujus feodo supradictam decimam tenebamus et domine E[ustachie] uxoris ejus et S[ymonis] eorum filii primogeniti qui omnia supradicta laudaverunt et confirmaverunt In cujus rei testimonium presentes litteras sigilli nostri munimine roboravimus Actum anno Domini MCCXL quarto mense januarii