Charter Document - 05020422
| Charter Number: | 05020422 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1243 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis officialis curie decani Carnotensis salutem in Domino Noveritis quod Johannes dictus Bellus Franciscus permutavit cum Petro presbitero filio defuncti Johannis quondam magistri carnificum Carnotensium nepote dicti Johannis et nomine permutacionis quitavit et concessit dicto Petro quinque sextarios bladi et quatuor sextarios avene annui redditus quos ratione hereditatis sue habebat dictus Johannes et percipiebat annuatim ut dicebat apud Booletum Terrici per manum Jacobi dicti Parvi Monachi pro quinque domibus contiguis cum virgulto adjacenti prout possidentur quas ratione hereditatis sue habebat dictus Petrus ut dicebat sitas in Valleia ante Marchesium et pro una petia vinee circa dimidium arpentum continente quam habebat dictus Petrus ratione acquiramenti sui ut dicebat sitam apud Boxeriam juxta vineam magistri Martini carpentarii Que quinque sextarios bladi et quatuor sextarios avene annui redditus cum omni jure dominio proprietate et possessione que in eis habebat et habere poterat seu debebat quitavit et concessit coram nobis dictus Johannes dicto Petro et ejus heredibus in futurum Et promisit dictus Johannes [] In cujus rei testimonium et munimen presentes litteras sigillo curie nostre sigillavimus Datum anno Domini MCCXL tercio mense novembri