Charter Document - 05020421
| Charter Number: | 05020421 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1243 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis frater Bartholomeus humilis prior ecclesie beate Marie Longipontis Cluniacensis ordinis totusque ejusdem loci conventus salutem in Domino Noverint universi nos de voluntate et assensu dilecti nostri fratris Johannis prioris sancti Juliani Pauperis Parisiensis vendidisse et concessisse abbati et conventui de Vallibus Sarnaii quandam domum quam ecclesia nostra beati Juliani Pauperis Parisiensis supradicti habebat et possidebat contiguam domui dictorum abbatis et conventus in vico qui dicitur vicus Termarum in censiva burgensium Parisiensium ut dicitur honeratam tribus solidis augmentati census pro triginta libris parisiensium eidem priori sancti Juliani jam solutis de mandato nostro et in utilitatem ejusdem prioratus sancti Juliani conversis Fecimus etiam dictos abbatem et conventum induci in possessionem promittentes [] In cujus rei memoriam et testimonium presentes litteras sigillo nostro et sigillo predicti prioris sancti Juliani Pauperis Parisiensis necnon et sigillo conventus nostri Longipontis fecimus sigillari Actum anno Domini MCC quadragesimo tercio mense augusto